حیدر آباد سکھر موٹر وے پراجیکٹ کو 9.5 بلین روپے کی حکومتی گارنٹی مل گئی
حیدر آباد سکھر موٹر وے پراجیکٹ کو 9.5 بلین روپے کی حکومتی گارنٹی مل گئی
حیدرآباد سکھر موٹر وے کی تعمیر کے لیے 9,500 ملین روپے بلٹ آپریٹ ٹرانسفر کی بنیاد پر کابینہ کی اقتصادی رابطہ کمیٹی (ای سی سی) نے حکومتی گارنٹی کے اجراء کی منظوری دے دی ہے۔ ای سی سی نے پیر کو ہونے والے اپنے اجلاس میں اس حوالے سے وزارت مواصلات کی سمری پر غور کیا اور اس کی منظوری دی۔
اس منصوبے کے تجارتی قرض دہندگان کی سہولت کے لیے وزارت خزانہ کی جانب سے 9.5 بلین روپے جاری کیے جائیں گے، تاکہ رعایت دہندہ وقت پر مالیاتی تکمیل حاصل کر سکے۔
اس تجویز کو فنانس ڈویژن اور وزارت منصوبہ بندی نے بھی سپورٹ کیا اور اسے وفاقی کابینہ کے ای سی سی کے سامنے رکھا گیا۔
