پیٹرول اور مٹی کے تیل کی قیمتوں میں اضافہ کردیا گیا
وزارت خزانہ کی جانب سے جاری کردہ اعلامیے کے مطابق پیٹرول ایک روپے 71 پیسے فی لیٹر مہنگا کر کے 119 روپے 80 پیسے فی لیٹر کردیا گیا ہے۔ جبکہ مٹی کے تیل کی قیمت میں 35 پیسے فی لیٹر اضافے کے بعد نئی قیمت 87 روپے 49 پیسے مقرر کردی گئی ہے۔ لائٹ اور ہائی اسپیڈ ڈیزل کی قیمتوں میں کوئی رد و بدل نہیں کیا گیا جس کے باعث ہائی اسپیڈ ڈیزل کی قیمت 116 روپے 53 پیسے فی لیٹر جبکہ لائٹ ڈیزل کی قیمت 84 روپے 67 پیسے فی لیٹر پر برقرار ہے۔ اعلامیے میں بتایا گیا کہ پیٹرولیم مصنوعات کی نئی قیمتوں کا اطلاق آج رات 12 بجے سے ہو گا
